Hövzə Xəbər Agentliyinin verdiyi məlumata görə, həzrət Ayətullah Seyid Müctəba Hüseyni Xamenei (Allah onu qorusun) öz çıxışlarından birində “Əzabul-hun” (alçaldıcı əzab) anlayışının təfsirini izah edərək bu barədə mühüm məqamları diqqətə çatdırıb.
Bildirilib ki, “يَومَ يُعرَضُ الكُفّارُ عَلَى النّار” yəni kafirlərin cəhənnəmin qarşısına gətirildikləri gün mövzusuna toxunularaq, həmin günün hesab və cəza günü olduğu vurğulanıb.
İzah edilib ki, kafirlərə dünya həyatında verilən nemətlərdən tam şəkildə istifadə edildiyi, lakin onların bu nemətləri yalnız dünya həyatı üçün sərf etdikləri qeyd olunub. Nəticədə, bu davranışın qarşılığı olaraq “Əzabul-hun” (alçaldıcı əzab) və rüsvayedici əzab ilə üzləşdikləri bildirilir.
Bu əzabın iki əsas səbəbi göstərilib: Birincisi təkəbbür, ikincisi isə “بِما كُنتُم تَفسُقون” yəni ilahi əmr və qadağalara qarşı itaətsizlik.
Qeyd olunub ki, Qurani-Kərimdə əzab yalnız odla məhdudlaşmır. Əzabın müxtəlif növləri mövcuddur. Bunlardan biri həsrət və peşmanlıqdır. Dünyada keçici olan peşmanlığın əksinə olaraq, axirətdəki həsrətin sonu olmadığı vurğulanıb.
Digər bir əzab növü təhqir və istehza ilə bağlıdır. Bu barədə “ذُقْ إِنَّكَ أَنتَ العَزِيزُ الكَرِيم” “(Əzabı) dad! Sən (özünə görə) çox qüdrətli və şərəfli biri idin”. (Duxan surəsi, 49-cu ayə) ayəsinə istinad edilərək, həmin ifadənin ən ağır vəziyyətdə olan insana istehza məqsədilə deyildiyi bildirilib.
Həmçinin qeyd olunub ki, cəhənnəm əhli arasında qarşılıqlı mübahisə və çəkişmələr də Qurani-Kərimdə təsvir edilən ən ağır əzab formalarından biridir.
Sonda bu izahların ilahi ədalətin müxtəlif təzahürlərini anlamaq baxımından mühüm əhəmiyyət daşıdığı vurğulanıb.
Həmçinin qeyd olunub ki, qorxu və hər şeydən ümidsiz qalmaq da ayrıca bir əzab növüdür. Dünyada insan ümidsizlik yaşadıqda belə, müəyyən çıxış yolları mövcud olur. Ya ölüm yetişir, ya vəziyyət dəyişir, ya da kimlərsə yardım edir. Lakin axirətdə heç bir çıxış yolu yoxdur. Tam çıxılmaz vəziyyət hökm sürür və bu da özlüyündə ağır bir əzab sayılır.
Bildirilib ki, ümumilikdə əzabların növləri müxtəlifdir: Alçaldıcı və rüsvayedici əzab, eləcə də təhqir və istehza xarakterli əzab. Quranda “أَذْهَبْتُمْ طَيِّبَاتِكُمْ” ifadəsi ilə “ذُقْ إِنَّكَ أَنتَ العَزِيزُ الكَرِيم” ayəsinə bənzər bir üslubda məzəmmət ifadə olunur. Yəni insanlara xitabən deyilir ki, siz nemətlərdən düzgün istifadə etməli idiniz, lakin etmədiniz. İndi isə bunun əzabını dadın. Bu məzəmmətin daxilində dərin həsrət hissi də mövcuddur və bu, özlüyündə ayrıca bir əzab növü hesab olunur.
Qeyd olunub ki, bütün bu halların hər biri fərqli əzab formalarıdır. Bəzi əzablar müəyyən günah növlərinə məxsusdur və bütün günahkarlar üçün eyni deyil. Bəzi əzablar isə qiyamət günü hesab və sorğu-sual zamanı baş verir. Həmin mərhələdə mütləq şəkildə atəş görünməsə də “Əzabul-hun” (alçaldıcı əzab) yəni rüsvay və alçaldıcı əzabı mövcud olur.
Rəvayətlərə əsasən, təkəbbürlü insan qiyamət günü qarışqa formasında məhşur edilər və hamı onun üzərindən keçər. Bu da rüsvayçı və alçaldıcı əzabının bir nümunəsidir. Həmin səhnədə atəş olmasa belə, bu vəziyyət özü ağır bir əzab sayılır.
Qeyd
Səs faylını yükləmək üçün buraya klikləyin
Rəyiniz